1-ва Скопска - МТМ Телевизија

Данскиот ас Кристијан Ериксен денеска се врати во Сунинг тренинг-центарот во Апијано Џентиле, каде што се сретнал со вработените во Интер, со новиот тренер Симоне Инзаги и со своите соиграчи.

Клубот потврди дека фудбалерот од средниот ред, кој доби срцев напад на првиот меч на Данска на ЕУРО 2020 и мораше да биде враќан во живот, ќе работи според советите на данските лекари од Копенхаген, откако е невозможно да игра за Интер додека му е вграден минијатурен дефибрилатор во срцето.

„Утрово Кристијан Ериксен го посети тренинг-центарот во Апијано Џентиле, каде што се сретна со директорите, тренерот, соиграчите и сите во клубот. Тој е во одлична физичка и ментална форма и сега ќе продолжи со програмата предложена од лекарите во Копенхаген, со кои ќе се координираат сите наредни чекори“, велат од Интер.