Фабињо потпиша нов петгодишен договор со Ливерпул
- Детали
- Категорија: Спорт
- Создадено: 03 Август 2021
Бразилецот Фабињо на долги патеки се обврза кон Ливерпул, откако потпиша нов петгодишен договор со „црвените“.
27-годишниот Бразилец пристигна на „Енфилд“ од Монако во 2018 година, и се покажа како клучен играч на Јирген Клоп, играјќи и во средината на теренот и како десен бек кога беше потребен. Тој сега останува во Ливерпул барем до 2026 година.
„Пресреќен сум што имам нов договор со клубот, бидејќи од почетокот бев позитивен и знаев дека сакам да останам во Ливерпул. Последните три сезони ми беа најадобри во животот, научив многу од менаџерот и остваривме големи работи. Ова е најдоброто место да се биде“, вели Фабињо.
Покрај Фабињо, Клоп се обидува да ја осигура и долгорочната иднина на уште неколку членови на првиот тим – Алисон, Виргил ван Дајк, Енди Робертсон и Мохамед Салах. Ливерпул имаа тивко лето со трансферите – единствено дефанзивецот на РБ Лајпциг, Ибрахиме Конате е ново име меѓу тимот.
Our story goes on, Reds! Very happy to renew my contract and keep wearing this jersey for even longer. I'm sure we'll still live a lot together. Let's go! 🔴🙏🏽 #YNWA pic.twitter.com/JQcc7er3hL
— Fabinho (@_fabinhotavares) August 3, 2021
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
