Модриќ, Родригез, Бејл и Јовиќ на листата за трансфер

Обично добро информираната шпанска „Марка“ тврди дека Зинедин Зидан и Реал Мадрид подготвиле листа на фудбалери кои ќе бидат продадени во летниот преоден рок, и на неа се големи имиња како Лука Модриќ, Хамес Родригез, Герет Бејл и Лука Јовиќ.

Бејл, секако, одамна не е во плановите на Зидан и тој ќе биде најтешко да се продаде поради годишната плата од над 33 милиони евра, а Родригез не успеа да добие место во стартниот тим по враќањето од позајмицата од Реал Мадрид. Ако името на Лука Јовиќ, кој ги налути неколку пати шефовите на „кралевите“ не е изненадување, малку повеќе изненадува името на минатогодишниот освојувач на златната топка, Лука Модриќ.

Модриќ продолжи да биде постојан првотимец оваа сезона, со 40 настапи во сите натпреварувања, но бидејќи веќе има 34 години, „кралевите“ тука гледаат кон иднината.

Со продажба на фудбалерите ќе се финансирале планираните засилувања, слично како што лани ги продадоа Маркос Љоренте, Матео Ковачиќ и Кејлор Навас за да го финансираат трансферот на Еден Азар од Челси.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.