Тим преку Циципас до титулата во Пекинг
- Детали
- Категорија: Спорт
- Создадено: 06 Октомври 2019
Австриецот Доминик Тим ја освои титулата на турнирот од серијата 500 во Пекинг. Тим во финалето го победи Стефанос Циципас со 3/6, 6/4, 6/1.
Циципас кој вчера со пресврт го доби полу-финалето против Александар Зверев го освои првиот сет иако се соочи со бреј во воведниот гем. Впечатокот беше дека Циципас сигурно оди кон освојувањето на титулата, особено откако стигна до брејк во вториот сет и предност од 2:1. Тим веднаш го врати брејкот, а потоа во десетиот гем со нов брејк го израмни резултатот во сетови на 1:1.
Во третиот сет играта на Циципас се распадна, на теренот играше само Тим, кој експресно стигна до 5:0, а до крајот му препушти еден гем на противникот.
Австриецот ја освои четвртата титула оваа сезона откако претходно победи во Кицбил, Барселона и Индијан Велс.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс