1-ва Скопска - МТМ Телевизија

Во типичен стил, Златан Ибрахимовиќ објави дека Манчестер Јунајтед треба да се ослободи од сенката на Сер Алекс Фергусон, бидејќи тоа го запира развојот на клубот.

Легендарниот Шкот се пензионираше во 2013-та по извонредните 26 години, во кои постигна бројни успеси, но неговото влијание останува сериозно.

Во последните години „црвените ѓаволи" бараат постојаност и на неколку пати дури останаа надвор од топ 4. Новиот тренер, Оле Гунар Солскјер не крие дека често бара совети од Ферги, што за Ибрахимовиќ, сепак, не е правилно.

- Сега се што се случува, се споредува со времето на Фергусон. Велат дека ако тој бил тука, лошите резултати нема да се случат.

- Фергусон ќе се погрижел за тоа. За мене, сепак, ова не е точно. Ако јас сум во оваа позиција ќе сакам да направам своја историја. Не сакам да слушам што се случувало претходно.

- Сакам да живеам во сегашноста. Тие имаат потреба од нов менталитет, изјави напаѓачот на Лос Анџелeс Галaкси.

Според него, Сер Алекс има своја приказна, но животот продолжува и клубот мора да пронајде нов идентитет, што секако не е лесно.

- Многу од поранешните играчи на Јунајтед не можат да се ослободат од сенката на Фергусон. Сега коментираат без воопшто да се свесни за она што се случува во тимот, додаде тој.