Нејмар не мрда никаде и потпиша нов мега договор со ПСЖ

Менаџментот на Пари Сен Жермен прави сé што е потребно за да осигура дека Нејмар и Килијан Мбапе остануваат во тимот.

 

Францускиот клуб е загрижен за шпекулациите за иднината на двајцата играчи, како и за истрагите на УЕФА.

 

Парижаните се еден од посочените клубови, кои не го почитуваат финансискиот ферплеј Уште еден доказ дека ПСЖ прави сé што може за да ги задржи своите ѕвезди на „Парк де Пренс" е договорот меѓу Националната Банка на Катар и Нејмар, кој ќе биде нејзин глобален амбасадор.

 

На тој начин ПСЖ покажа колку е важен Бразилецот за клупскиот проект. Пари Сен Жермен е во сопственост на катарското кралско семејство преку компанијата „Катар Спорт Инвестментс".

 

Банката исто така е контролирана од кралското семејство. Како дел од договорот, Нејмар ќе се појавува во рекламните кампањи на банката и ќе користи различни бенефиции.

 

Токму Катарската национална банка го финансираше рекордниот трансфер на бразилскиот напаѓач од Барселона во ПСЖ во текот на летото на 2017 година за 222 милиони евра.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.