1-ва Скопска - МТМ Телевизија

Велшката актерка Кетрин Зета-Xонс е спремна да ѝ конкурира на Гвинет Палтроу со сопствен лајфстајл бренд инспириран од Goop, а асортиманот ќе вклучува и традиционални велшки љубовни лажици.

Брендот „Каза Зета-Џонс“ кој содржи вегански чевли, лав-лажички за кафе, шминка, украси за дома... ќе биде лансиран оваа недела.

Пријателите велат дека таа се надева проектот Casa Zeta-Jones ќе го зајакне нејзиниот профил и ќе ѝ даде нешто на што ќе се фокусира додека нејзините деца растат.

Зета-Џонс (50) се надева дека овој потфат ќе биде профитабилен како тој на нејзината холивудската колешка Палтроу: „Сè што дизајнирав е навистина страствен проект. Сакав да ја искористам таа страст и да создадам бренд кој е убав и луксузен, а истовремено и достижен.“

Зета-Џонс, која се омажи за холивудскиот актер Мајкл Даглас во 2000 година, не глумела во хит филм уште од Red 2 во 2013 година.

Таа е уште една sвезда што тргнува по стапките на Гвинет Палтроу, која во 2008 година започна велнес сајт Goop со седмичен билтен од нејзината кујна.