1-ва Скопска - МТМ Телевизија

Актерот Џони Деп покрена тужба против издавачката куќа и главниот уредник на британскиот таблоид The Sun во врска со статија во која се вели дека ја тепал поранешната сопруга Амбер Херд.

Холивудската ѕвезда во средата се појави во судот во Лондон за да го слуша својот адвокат додека тврди дека поранешната сопруга на Деп лажела кога го обвинила дека ја тепал. А британскиот таблоид објави статија со свои коментари за наводното семејно насилство.

Деп, (55) ги тужи News Group Newspapers, издавачката куќа на таблоидот The Sun, и главниот уредник Ден Вуттон за клевета во статија која што главниот уредник ја напишал во 2018 година, нарекувајќи го Деп „тепач на жени“.

Самиот Деп присуствуваше на првиот ден од предистражната постапка во Високиот суд.

Процесот треба да почне на 23 март и ќе трае две недели.

И двајацата, Деп и Херд меѓусебно се обвинуваат за физичко насилство додека биле во брак.

Херд прва започна со обвинувањата во 2016 година, а Деп ги негираше.

„Еден од нив лаже, и тоа многу“, се вели во аргументите поднесени од страна на адвокатите на Деп и подоцна дистрибуирани до новинарите.

„Многу е важно ова судење за клевета да покаже дека наводите за семјно насилство се чиста измислица.“