Хари и Вилијам ги негираат тврдењата за меѓусебни навреди и малтретирања

Војводата од Сасекс и војводата од Кембриџ ги негираа наводите во британските медиуми за нивните односи, пренесува Би-би-си.

 

Во соопштението од принцовите Хари и Вилијам опишани се изјавите како „навредливи“. Ова следи откако извор за „Тајмс“ изјави дека Хари и Меган почувствувале дека биле избркани поради „малтретирањето“ на Вилијам.

 

Браќата треба да се сретнат со кралицата и принцот од Велс подоцна за да разговараат за иднината на Хари и Меган.

 

Парот сака да се повлече од кралското семејство, истовремено да станат и финансиски независни.

 

Во изјавата во име на Хари и Вилијам се вели: „И покрај јасните негирања,  денеска во британски весник се појави лажна приказна, шпекулирајќи за односот помеѓу војводата од Сасекс и војводата од Кембриџ. За браќата што се грижат толку длабоко за прашањата околу менталното здравје, употребата на говор на омраза на овој начин е навредлива и потенцијално штетна“.

 

Тврдењата за малтретирање беа сериозно оспорени од други извори блиски до кралското семејство и принцот Хари, пишува во статијата „Тајмс“.

 

Во октомври, Хари одговори на шпекулациите за расправија меѓу браќата велејќи дека тие се „на различни патеки во моментот“, но дека тој го сака Вилијам.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.