Бибер: Не се дрогирам, болен сум

Канадскиот поп печај, Џастин Бибер откри дека му е дијагностицирана лајмска болест, како и дека изминатите неколку години за него биле многу тешки.

Не требаше многу време да помине, откако беше снимен на улица во прилично лоша состојба, па да почнат шпекулациите дека канадската мегаѕвезда има проблеми со дрога.

Но, 25-годишниот пејач објави на Инстаграм дека за неговата лоша состојба не е одговорна дрогата, туку болеста.

„Неколку тешки години е со мене“ нагласи Бибер, откривајќи дека докторите му дијагностицирале лајмска болест, но и дека со години пати од хронична вирусна инфекција.

View this post on Instagram

While a lot of people kept saying justin Bieber looks like shit, on meth etc. they failed to realize I've been recently diagnosed with Lyme disease, not only that but had a serious case of chronic mono which affected my, skin, brain function, energy, and overall health. These things will be explained further in a docu series I'm putting on YouTube shortly.. you can learn all that I've been battling and OVERCOMING!! It's been a rough couple years but getting the right treatment that will help treat this so far incurable disease and I will be back and better than ever NO CAP

A post shared by Justin Bieber (@justinbieber) on Jan 8, 2020 at 12:29pm PST

Лајмската болест ја шират крлежите, а во почетокот болеста предизвикува осип, треска, главоболки и малаксаност. Може да доведе и до парализа на фацијалниот нерв, силни болки во зглобовите, тешки главоболки и срцева палпитација.

Дури и кога ќе се излечи, со месеци подоцна симптомите можат повторни да се појават.

„Луѓето мислат дека сум на мета (мета-амфетамин), но не сфаќаат дека неодамна ми е дијагностицирана лајмска болест, а дека во претходниот период имав тежок случај

на мононуклеоза, која влијаеше на мозокот и на мојата целосна здравствена состојба“ наведе пејачот.

Тој додаде дека зема терапија и дека се ќе открие во претстојниот документарец за својот живот, кој ќе се емитува на Јутјуб.

„Ќе видите против што се борам и победувам. Ќе се вратам подобар од кога било“ истакна Бибер.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.