Втора проба на Тамара пред настапот на „Евросонг" в четврток

Тамара Тодевска денеска имаше втора проба на големата сцена EXPO во Тел Авив каде што ќе се одржи 64. Евросонг, а таа со песната „Proud" ќе настапи претпоследна на втората полуфинална вечер, на 16 мај.

 

– Сите сме горди со сработеното и ја очекуваме вашата поддршка на 16-ти, а се надевам и на 18-ти, изјави Тамара која денеска имаше и прес-конференција. Нејзиниот тим соопшти дека изведбата на баладата била суптилна и впечатлива, а Тамара добила аплаузи во салата и во прес-центарот.

 

– Акредитираните новинари со внимание го проследија настапот на македонската претставничка. Не помал беше и интересот на прес-конференцијата на која голем број од новинарите се интересираа за деталите поврзани со нашата претставничка и песната со која ќе настапи, соопшти нејзиниот тим на годинашниот „Евросонг".

 

Македонската радио-телевизија директно ќе ги пренесува трите вечери од натпреварот – полуфиналните во вторник и в четврток (14 и 16 мај) и финалната идната сабота





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.