За време на постите често се продаваат намирници кои се означени како посни, а всушност не се
- Детали
- Категорија: Останато
- Создадено: 15 Март 2019
Велигденскиот пост веќе започна и секако оние кои постат внимаваат на својата исхрана. Постот подразбира да не се внесува мaсна храна, односно месо, млечни производи, но бидејќи ова е најстрог пост се ограничува и јадењето на риба и масло, тие може да се конзумираат во одредени денови.
Но оние граѓани кои постат треба да внимаваат кога купуваат производи на кои е посочено дека се посни. Секако секој верник кој одлучил да пости најрво ја прегледува декларацијата на производот и од што се состои. Многу пати се случило токму онаа храна растителна маст, сирење и млеко на база на растителни производи, посен маргарин, всушност да не се од растително потекло. Граѓаните кои ги анкетиравме се со поделени ставови и околу постењето и околу верувањето на производителите кои на производите пишуваат дека се посни.
Често се сучува растителните сирења да содржат некои состојки од животинско потекло, како што е казеин протеинот па доколку купувате растителен кашкавал или сирење, задолжително проверете дали содржи казеин протеин.
Треба да знаете дека посно е само сирењето од соја.
Исто така внимавајте и со лебот, бидејќи во одредени пекари се премачкува со смеса која содржи јајца, за да добие сјај и крцкавост. Внимавајте и со грицките и задолжително читајте ја декларацијата, бидејќи токму тие содржат млеко во прав и какао путер, состојки кои не се посни.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс