Заев: Извештајот на ЕК потврдува дека чекориме силно на европскиот пат
- Детали
- Категорија: Македонија
- Создадено: 20 Октомври 2021
Амбасадорот Гир денеска го предаде извештајот на Европската комисија за прогресот на Северна Македонија, кој во целост го потврдува напредокот на кој посветено работиме, напиша на Фејсбук премиерот Зоран Заев.
Извештајот ја нагласува цврстата и одлучна имплементација на ЕУ-реформите, особено во клучните области како што се владеење на правото, вклучувајќи ја и борбата против корупцијата и организираниот криминал, вели Заев.
„Врз основа на тоа, во извештајот се препорачува итен почеток на преговори за пристап кон членство и прва меѓувладина конференција до крајот на годината за време на словенечкото претседателство. ЕК во извештајот потенцира дека реформите се континуиран и долг процес кој не треба да биде прекинат и кој бара посветеност и од опозицијата и од другите делови на општеството“, додава Заев.
Извештајот, според него, потврдува дека чекориме силно на европскиот пат.
„Тоа е единствениот пат кој носи европски стандарди и подобар живот“, напиша Заев на социјалните мрежи.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс