Водици годинава без скокање по крстот
- Детали
- Категорија: Македонија
- Создадено: 19 Јануари 2021
Православните верници денеска го слават празникот Богојавление – Водици кој се празнува уште од вториот век.
Поврзан е со крштавањето на Исус Христос во водите на реката Јордан од страна на свети Јован, кој оттогаш се нарекува Крстител.
Според православната традиција денес се осветуваат водите и се одржуваат манифестациите за фаќање на светиот крст. Оној што ќе го фати Светиот крст се верува дека ќе го следи благослов и среќа во текот на целата година.
Годинава за првпат денешниот празник се очекува да помине без традиционалното скокање по светиот крст, поради епидемијата со Ковид-19.
Според најавите, денот ќе биде одбележан со свети литургии во црквите и нивните дворови.
Министерот за внатрешни работи, Оливер Спасовски, во пресрет на празникот рече дека за време на празникот полицијата ќе биде со зголемени активности за да се спречат собирања, а разговарано е и со МПЦ.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс