Заев по жалбите за мобинг во Лозово: Мојата порака до градоначалниците е да не глумат шерифи
- Детали
- Категорија: Македонија
- Создадено: 18 Јануари 2021
Мојата порака што секогаш ја давам за градоначалниците од СДСМ кои победија на изборите е да не глумат локални шерифи и да им служат на граѓаните достоинствено, изјави премиерот Зоран Заев на новинарско прашање за градоначалникот на општина Лозово, Ацо Велковски, откако деновиве беше објавено дека повеќе вработени во општината се жалат на мобинг од страна на општинската управа.
„Лично разговарав со него и секако добив соодветно објаснување и корекции за одредени работи. Оваа недела сигурно ќе реагирам зашто јас сум служител на сите наши граѓани и сакам да бидам секогаш во нивна заштита. Секако, граѓанин е и градоначалникот, но тој извршува сериозна и одговорна функција. Не знам детали, не можам да инсинуирам било што, но дефинитивно ќе се информирам за случајот и ќе дадам дополнително коментар“, изјави премиерот Заев.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс