Увозот на половни возила паднат 42 отсто

Во согласност со последните податоци од Царинската управа, увозот на половни возила во државата во првите 9 месеци е значително намален.

Од Царинската управа велат дека лани во овој период биле увезени над 26.000 илјади половни возила, а оваа година се увезени речиси 11.000 возила, што претставува намалување од 42 %. Падот на увозот на половни возила, како што наведуваат од Царинската управа, во најголем дел е резултат од воведувањето на механизмите во новиот данок на моторни возила, чија цел беше спречување и демотивирање на граѓаните за купување половни возила со високи емисии на СО2, што веќе се покажува и во пракса. Ова значи помал влез и користење возила што драстично го загадуваа воздухот во државата.

Увозот на нови патнички возила е намален 18 %, така што лани во првите 9 месеци биле увезени над 6.300 нови возила, а оваа година се увезени околу 3.800 возила.

И покрај намалениот број на увезени возила, приходите остварени со примената на новиот данок на моторни возила, кој ја замени акцизата, бележи позитивна разлика во приходот за над 280 милиони денари или 4,5 милиони евра повеќе во однос на лани истиот период, што претставува пораст над 50 %.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.