Црвениот крст на Македонија отвори телефонски линии за донации за Бејрут
- Детали
- Категорија: Македонија
- Создадено: 06 Август 2020
Црвениот крст на Република Северна Македонија се приклучува кон хуманитарната донација со цел ублажување на последиците и давање помош и поддршка на настраданото население во Бејрут, главниот град на Либан, по силната експлозија на пристаништето.
Сите заинтересираните правни субјекти и граѓани може да се вклучат со обезбедување парична помош на:
- сметката на Фондот на солидарноста на Црвениот крст на РСМ: 300000001327966, даночен број: 4030984271620 АД Комерцијална банка, со назнака: помош за настраданото население во Либан;
- како и да се донираат 100 денари со повик на телефонските броеви 070/075/077 143 400.
Средствата може да се донираат од 7.8.2020 до 20.8.2020 година и тие ќе бидат префрлени на Црвениот крст на Либан за настраданото население во Бејрут.
Црвениот крст изразува длабоко сочувство за жртвите и нивните семејства во разорната експлозија во Бејрут.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс