Се одложува „Галичка свадба“
- Детали
- Категорија: Македонија
- Создадено: 07 Јули 2020
Советот на Месна заедница Галичник донесе одлука да го одложи одржувањето на манифестацијата „Галичка свадба“, која традиционално се одржува кон средината на јули, за време на верскиот празник Петровден.
„Разговаравме долго, го обезбедивме традиционалното покровителство на Свадбата од претседателот на државата, се консултиравме со стручни лица од областа и со Комисијата за заразни болести, развивме сеопфатен протокол, но сфативме дека со оглед на моменталната епидемиолошка состојба, манифестацијата 'Галичка свадба' не треба да се одржи на Петровден. Будно ќе ги следиме состојбите и препораките и се надеваме дека Свадбата ќе ја одржиме наскоро“, информираат од организацискиот тим на Месната заедница Галичник.
Од таму велат дека доколку се создадат сите неопходни услови, годинешната „Галичка свадба“ може да се одржи на празникот Пресвета Богородица, односно на 28 август.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс