Регистрирани 24 нови случаи на коронавирус, досега излечени се тројца пациенти
- Детали
- Категорија: Македонија
- Создадено: 26 Март 2020
Министерството за здравство информира дека во изминатите 24 часа се регистрирани 24 нови случаи на коронавирус во земјата.
Од новозаразените најмногу се од Скопје (15), по што следат Куманово (4), Дебар (2), Охрид (1), Штип (1) и Тетово (1).
Со ова вкупната бројка на дијагностицирани пациенти со Ковид-19 денеска до 12:00 часот изнесува 201 лица.
Според местото на живеење, досега случаи на Ковид-19 се регистрирани во: Скопје (123), Дебар (43) од кои 2 починати, Куманово (15) од кои 1 починат, Штип (8), Велес (3), Охрид (3), Кавадарци (2), Прилеп (2), Гостивар (1), Тетово (1).
Од Клиниката за инфективни болести и фебрилни состојби се испишани 2 пациенти кои на два контролни теста на Ковид-19 имаа негативен резултат.
Пациентите се во добра здравствена состојба и се пуштени на домашно лекување.
Со ова во земјата досега има 3 излекувани пациенти и 3 починати.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс