1-ва Скопска - МТМ Телевизија

 Традиционално во пресрет на големиот христијански празник Велигден, општина Делчево во партнерство со образованите институции од градот, здруженија на граѓани и локални институции организира голема велигденска изложба.

-Очекуваме и годинава платото пред спомен домот АСНОМ да биде богато со најразлични велигденски креации и да доминира празничната атмосфера, како предвесник на големиот празник Велигден. Досега се пријавени десетина учесници кои на штандовите ќе ги изложат велигденски креации и задолжително велигденски обоените јајца, истакна Даниела Такева од Општина Делчево.

Велигденската изложба има и хуман карактер, а средствата од продажбата на јајцата и на другите велигденски креации, како што додава Такева ќе бидат донирани во хуманитарни цели.

Настанот почнува на 25 април пред спомен дом АСНОМ на Велики Четврток, а за најдобрите велигденски креации од страна на општината ќе следуваат награди. За првонаградената творба износот е 3.000 денари, второнаградената ќе освои 2.000 денари, а третата награда е во износ од 1.000 денари.