Македонските војници ќе можат да вежбаат на полигоните во Бугарија
- Детали
- Категорија: Македонија
- Создадено: 22 Февруари 2019
Војниците на АРМ и цивилните служби на Министерството за одбрана на Северна Македонија ќе можат да ги користат воените полигони во Бугарија.
Како што пишуваат бугарските медиуми, договорот за соработка го потпишале заменик-министерот за одбрана Анатолиј Величков и државниот секретар на Министерството за одбрана на Северна Македонија Драган Николиќ.
На средбата Величков и Николиќ разговарале за прашања поврзани со воено-техничката соработка и за стратегискиот преглед на одбраната во Северна Македонија. Соговорниците ја разгледале можноста за формирање на билатерална комисија за истражување на воени споменици и гробишта на територијата на Република Северна Македонија.
Од бугарското Министерство за одбрана била изразена и подготвеност за обука на воени лекари од Северна Македонија во рамките на курс во Военомедицинската академија.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
