Изложба „Имагинарни знамиња“ во Мала станица
- Детали
- Категорија: Култура
- Создадено: 10 Декември 2019
В среда на 11 ноември 2019 година во 20 часот во мултимедијалниот центар Мала станица при Националната галерија ќе биде изложен мултимедијалниот проект „Имагинарни знамиња“ од Маја Стефановска и Ален Реџепагиќ.
Милтимедијалниот проект претходно беше изведен во рамките на 35-от интернационален фестивал „Сараевска зима“ во периодот од 19 до 26 февруари 2019 година во Сараево, Босна и Херцеговина.
Проектот е составен од 12 отпечатоци со димензии 115x160, видео документација, аудио запис и перформанс. Отпечатоците претставуваат имагинарни знамиња (амблеми) без конкретни симболи на каква било припадност (национална, верска, политичка, расна, родова) така што мотивите не упатуваат, ниту пак асоцираат на одредена заедница или идентитет. Тие единствено ги претставуваат вистинските и трајни човекови вредности како емпатија, љубов, култура, животни ресусрси, односно симболизираат благосостојба и се репрезент на она што е суштинско во битисувањето наспроти формализацијата од каков било вид.
Целта на проектот е да ја покаже неуништливоста на суштинските човечки вредности
.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
