Самостојна изложба на уметнички слики на Акиме Насуфи Реџепи

Во Уметничката Галерија Тетово до 11 октомври ќе бидат изложени 30 уметнички слики од авторката Акиме Насуфи Реџепи, во рамки на нејзината прва самостојна изложба.

– Изложени се уметнички слики пејзажи, имагинација и колорит на Акиме Насуфи Реџепи изработени на акрил на платно. Доминантен мотив е пејзажот со мрачните тонови, но не ги избегнува и топлите нијанси на колоритот. Тие го претставуваат индивидуалниот субјективитет и ни покажува дека пејзажот не мора да биде само зора или зајдисонце, изјави Мифтар Мемети, професор на Факултетот за ликовна уметност на Тетовскиот универзитет на отворањето на изложбата.

Акиме Насуфи Реџепи е родена 1980 година во Струга. Дипломирала на Факултетот за ликовни уметности на Тетовскиот универзитет, отсек графика. Таа живее и работи како професор по ликовно образование во Куманово. Досега се претставувала на повеќе групни изложби, ликовни колонии и симпозиуми.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.