Слика вредна шест милиони евра пронајдена во кујна на старица во Франција
- Детали
- Категорија: Култура
- Создадено: 24 Септември 2019
Слика во вредност од шест милиони евра, изгубено ремек дело на италијански сликар, била пронајдена во домот на една старица недалеку од Париз.
Како што јавува Би-би-си, сликата била закачена на ѕид во кујната во стан во францускиот град Компиње. Авторот на ова изгубено ремек дело е италијанскиот сликар Чени ди Пепо Чимабуе. Станува збор за сликата „Christ Mocked“ која е дел од серијата слики од крајот на 13. век.
Се верува дека сликата денес вреди шест милиони евра и дека толку ќе ја плати новиот сопственик на аукција во октомври.
Старицата мислела дека сликата е икона. Експертите велат дека нема сомнеж за нејзината автентичност. На сликата биле извршени тестови со помош на инфрацрвена светлина за да се бараат сличности со други дела на италијанскиот сликар.
„Сликата е насликана од истата рака“, рекол експертот Ерик Рукин.
Се верува дека сликата е дел од поголема сцена поделена на неколку панели, на кои е прикажан Исус Христос и неговото распнување.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс