Образовни асистенти ќе им помагаат на учениците со потешкотии при учење во Кисела Вода
- Детали
- Категорија: Кисела Вода
- Создадено: 13 Септември 2019
Во општина Кисела Вода денеска беа потпишани договори со 30 образовни асистенти, кои во текот на оваа учебна година ќе им помагаат на учениците со потешкотии при усвојувањето на наставната програма во општинските основни училишта.
Ангажирањето на образовни асистенти се практикува петта година по ред, како дел од проектот „Учиме, се воспитуваме, другаруваме“, во соработка со општината и УНДП. Од вкупно ангажираните 30 асистенти, за 10 средства обезбеди општината Кисела Вода, а за останатите 20 УНДП, информираат од општината.
Градоначалникот Филип Темелковски денеска во просториите на Општината, на потпишувањето на договорите за работа оствари средба со дел од образовните асистенти и им посака успешна работа.
Ангажирањето на образовни асистенти е во насока на подобрување на условите и грижата за децата со посебни потреби во општинските основни училишта, велат од општина Кисела Вода.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
