Миење и дезинфекција на улиците и урбаната опрема во Карпош
- Детали
- Категорија: Карпош
- Создадено: 22 Март 2020
Општина Карпош продолжува со интензивно одржување на јавната хигиена, миење и чистење на улиците, платоата и плоштадите, како и урбаната опрема (клупи за седење, корпи за отпадоци, вело паркинзи).
Денеска, цистерните ги миеја и дезинфицираа локалните улици во Карпош 1 и Карпош 2, а исто така се користеше и посебно средство за дезинфекција на урбаната опрема.
Дел од овие активности, миењето на улиците стана секојдневна работа на комуналните служби на Општина Карпош, која во изминатиов период се интензивираше и како резултат на спречување на ширење на вирусот Covid – 19 (коронавирус).
Локалната самоуправа деновиве врши и вонредна дезинфекција на училиштата и градинките, a се затворија и детските игралишта и спортско – рекреативни зони во Карпош. Целта е да се спречи присуство на граѓани на овие места и да се намали можноста за ширење на вирусот.
Ги повикуваме сите граѓани да ги почитуваат мерките за заштита од коронавирус. Да го почитуваат полицискиот час (од 21:00 до 06:00 часот), да не се собираат во групи и да излегуваат, единствено ако имаат итна потреба.
Интензивирани се и контролите од Министерството за внатрешни работи и Армијата, при што се предвидуваат казни за непридржување кон мерките.
Светот се соочува со вирусот COVID-19. Само заедно можеме да се справиме. Борбата против вирусот е одговорност на секој од нас. Бидете дисциплинирани и следете ги препораките на експертите. Грижете се за себе, вашите најблиски и оние околу вас.
Останете дома - спасете го човечкиот живот!
МТМ Телевизија - ПРВА СКОПСКА
.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс