Најзабавните, најкреативните и најсмешните маски на априлијада во Илинден
- Детали
- Категорија: Илинден
- Создадено: 01 Април 2019
По повод Денот на шегата 1-ви Април во спортската сала ,,Гоце Делчев,, во Општина Илинден, се одржа традиционалната тринаесетта по ред Априлијада.
На манифестацијата, како и секоја година, умешноста во маскирањето проследена со многу музика, игра, шеги и смеа ја прикажаа учениците од трите основни училишта Гоце Делчев, Ристо Крле и Браќа Миладиновци, како и дечињата од детската градинка Гоце Делчев.
На априлијадата можеа да се забележат најразлични маски кои децата ги изработиле со помош на нивните родители, а имаше и дечиња кои на изрботката на нивните маски посветиле и неколку дена.
За најинтересните маски на денешната априлијада беа доделени и соодветни награди. Целата манифестација помина во прекрасна атмосфера проследена со детска песна, игра и смеа, за што се погрижија и аниматори кои ја збогатија оваа манифестација со шега хумор и сатира.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс