1-ва Скопска - МТМ Телевизија

Шилегов е најнеспособниот градоначалник во историјата на Скопје. Тој е единствениот градоначалник кој нема почнато капитален проект во својот мандат, обвинија од советничката група на ВМРО-ДПМНЕ.

„И Ристо Пенов и Трифун Костовски ќе ги паметиме по нешто, Коце Трајановски по многу, а само Шилегов по ништо. Всушност, на Петре Шилегов сите ќе се сеќаваат како на градоначалникот кој не работеше ништо“, додаваат од советничката група.

Оттаму велат дека Град Скопје има 8,5 пати поголем долг сега отколку пред 4 години. Тие го обвинуваа Шилегов дека го задолжил Градот 8 и пол пати повеќе отколку што бил задолжен во времето на Коце Трајановски.

„Каде отидоа парите за кои Шилегов го задолжи Градот? Градот е во долгови, а нема никаков капитален проект. Завршија ли сите буџетски пари во тендери и набавки на двојно или тројно претплатени стоки и услуги? 4 години Шилегов, 4 години украден живот. Доста е!“, порачаа од советничката група на ВМРО-ДПМНЕ.