СКОПСКИ ЕПИЛОГ: „ТФТ“ во прва лига, помош за стари и изнемоштени во Кисела Вода, нова инвестиција во Илинден

Кошаркарскиот клуб „ТФТ“, од Тафталиџе од следната сезона ќе биде дел од Првата македонска кошаркарска лига.

 

Ситуацијата со Ковид-19 ги прекина лигитеа „ТФТ“ како првопласирани од втората лига директно се пласираа во друштвото на најдобрите.

Градоначалникот на Општина Карпош, Стефан Богоев се сретна со претседателот на клубот, Боро Смилковски и со спортскиот директор, Јован Марковски.

Претставниците од клубот ги презентираа своите планови за претстојната сезона. Тие зборуваа за фактот дека првата лига носи нови предизвици, поинаква организација и пристап кон тимското работење.

 

Бесплатна помош за стари и изнемоштени лица во Кисела Вода

Општина Кисела Вода информира дека една од нејзините партнерски невладини организации, социјалното претпријатие „Нега плус“ со поддршка од USAID North Macedonia во рамки на проектот Civic Engagement Project-North Macedonia, нуди бесплатна помош на стари и изнемоштени лица.

Сите заинтересирани лица на кои им е потребна помош при подготовка на храна, пазарање, одржување на хигиена во нивните домови, при пресоблекување и бањање, истата можат да ја побараат со јавување на тимот на „Нега плус“, на телефонскиот број 070 299 026.

 

Нова инвестиција во Илинден

Премиерот Спасовски поздравувајќи ја иницијативата на инвеститорите, која придонесува за развој на локалната самоуправа, оцени дека со новите вложувања, компанијата продолжува да ја остварува својата мисија и главната определба да се позиционира на високо место во деловната заедница, како компанија која негува највисоки стандарди во транспортот, шпедицијата и логистиката на овие дејности и да им излезе во пресрет на потребите и очекувањата на своите деловни партнери и клиенти преку обезбедување на квалитетни професионални услуги.

Честитки и желби за успешна работа упати и градоначалникот на Општината Илинден, Жика Стојановски кој подвлече дека инвестицијата на компанијата „Дени Интернационал“ придонесува за економски раст и развој на општината и регионот.

 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.