Чаир, Сарај и Гази Баба со најмногу активни заразени во Скопје

Скопје со 239 активни случаи е град со најголем број заразени. На врвот на листата е скопската општина Чаир со 54 случаи на заразени, а зад неа се Сарај со 39 случаи, Гази Баба со 34 случаи, Аеродром со 29 случаи и Бутел каде се регистрирани 25 активни заболени од коронавирус.

 

Во Карпош и во Центар има по деветмина заболени, по осум активни случаи имаат Илинден и Студеничани, седум заболени има во Кисела Вода, по пет во Шуто Оризари и во Ѓорче Петров, тројца во Петровец , двајца во Арачиново и по еден во Сопиште и во Чучер Сандево.

 

Министерството за здравство денес извести дека Скопје има 240 активни случаи, но во статистиката било внесено лице од Скопје кое било жител на Тетово. Најавија дека овој случај ќе биде соодветно внесен во утрешната статистика.

 

Во последните 24 часа се направени 661 тестирање, а регистрирани се 52 нови случаи. Од нив 26 се во Скопје, 6 во Куманово, 7 во Штип, 9 во Тетово, 2 во Струга, и по еден во Велес и во Кочани.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.