Изградена нова пристапна рампа пред Домот на култура во Ѓорче Петров
- Детали
- Категорија: Ѓорче Петров
- Создадено: 22 Мај 2019
Домот на култура во општина Ѓорче Петров од сега ќе можат да го посетуваат и лицата со хендикеп.
Имено, станува збор за подобрување на пристапот. Како што информираат од општината, наместо неадекватната рампа, изградена е нова, стандардизирана пристапна рампа со две монтажни патеки кои треба да ги премостат скалите во внатрешноста на Домот.
Од Ѓорче Петров велат дека општината досега има изградено 14 пристапни рампи во сите јавни установи на своја територија. Оваа година останува да се реши и вертикалната пристапност во основните училишта, додаваат од таму.
Се залагаме и работиме на создавање општество без разлики и еднаквост за сите. Секој заслужува еднаква шанса за остварување на своите права, се вели во соопштението од општина Ѓорче Петров.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс