Пуштена нова линија на улично осветлување на ул. Алексо Демниевски
- Детали
- Категорија: Ѓорче Петров
- Создадено: 26 Февруари 2019
По дваесет години мрак, улицата ,,Алексо Демниевски 27” доби улично осветлување. Општина Ѓорче Петров информира дека е пуштена во употреба новата линија на кракот 27, во должина од 120 метри. Поставени се 5 метални столба со улични светилки и конечно, жителите од оваа улица, добија квалитетна услуга, безбеден пристап до своите домови и модерен систем на осветлување, информираат од општината.
Општина Ѓорче Петров започна и постапка за модернизација на уличното осветлување, комплетна реконструкција и менување на постоечкиот систем за јавно осветлување.
До крајот на годината преку јавно приватно партнерство се очекува да се избере изведувач кој за 6 месеци ќе треба да го модренизира осветлувањето со лед светилки и најсовремена опрема, а со тоа граѓаните да добијат врвен кавлитет во осветлувањето . Приватниот партнер ќе менаџира со осветлувањето во наредните 12 години.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс