1-ва Скопска - МТМ Телевизија

Инклузијата во училиштата е клучна за нормален раст и развој на децата со потешкотии. Од Општина Ѓорче Петров информираат дека покрај стручните тимови, како да работат со овие ученици се обучуваат и сите наставници.

Во основното училиште ,,Мирче Ацев,, се одржа обука на наставниот кадар во соработка со Бирото за развој на образованието и УНИЦЕФ.

Во основните училишта во општината се води посебна грижа за инклузија на децата со посебни образовни потреби, а сите ние им даваме максимална поддршка за да изградиме личности кои понатаму целосно ќе се интегрираат во општеството, истакнуваат од Општина Ѓорче Петров.

 Преку обука и семинари се изготвува програмата за работа со дечињата со посебни потреби, се утврдува правото за индивидуалните образовни потреби и се работи на нивна целосна имплементација.