Активности на Општина Ѓорче Петров
- Детали
- Категорија: Ѓорче Петров
- Создадено: 01 Ноември 2018
Во Општина Ѓорче Петров активно се работи на уредување и чистење на општината.
Деновиве целосно е реновиран и исчистен кружниот тек во населбата Хром. Како што информираат од општината, интервенирале за менување на урбаната опрема и за уредување на уште неколку локации низ Ѓорче Петров.
Градоначалникот Александар Наумоски апелира до граѓаните да не ги оштетуваат и да ги чуваат заштитните огради, клупите, корпите за отпадоци, фонтаните и зеленилото што подолго, бидејќи тие се за доброто на граѓаните.
Исто така, Општина Ѓорче Петров ги потсетува жителите дека од септември веќе е формирана комисија за издавање потврди за обработливо земјоделско земјиште која излегува на терен и може да одговори на потребите на граѓаните.
Општина Ѓорче Петров веќе стартуваше со издавање потврди, а сите граѓани кои имаат потреба од овој документ, потребно е да поднесат барање во секторот-урбанизам.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс