1-ва Скопска - МТМ Телевизија

Најлонските кеси, кои се даваат во продавниците, а кои претходно беa бесплатни се најголемите загадувачи на животната средина.

Тие се насекаде околу нас и поради тоа оправданоста од овој проект  НЕ - ПЛАСТИЧНИ КЕСИ - Кажи не на пластичните кеси е придонес кон избегнување на создавање отпад кој има штетно влијание врз животната средина, со оглед дека нивното распаѓање трае повеќе стотици години, а ако горат поради хлорот содржан во нив, се ослободуваат канцерогени материи.

Проектот НЕ - ПЛАСТИЧНИ КЕСИ - Кажи не на пластичните кеси веќе цел месец се одржува во основните училишта во Општина Гази Баба, во организација на еколошкото здружение ЕКОЗВОН, а со поддршка од општината.

Учениците од ОУ Вера Јоциќ на едукативниот час активно придонесоа да се подигне јавната свест за штетното влијание од употребата на пластичните кеси и да се поттикне употребата на алтернативи на пластичните кеси. За тоа како помина едукативниот час во ова основно училиште погледнете во видеото.