Податоците за загадувањето во Гази Баба се невалидни поради замена на дел
- Детали
- Категорија: Гази Баба
- Создадено: 09 Ноември 2019
Податоците за загадувањето на воздухот од мониторинг станицата во Гази Баба во текот на изминатите пет часа биле невалидни поради замена на потрошен дел.
Министерството за животна средина и просторно планирање информира дека поради технички зафат врз инструментот за мерење на суспендирани честички со големина до 10 микрометри од станицата во Гази Баба, податоците од 06 до 11 часот се невалидни.
Од Министерството велат дека податоците не се одраз на извршени мерења, туку на соодветен код од инструментот кога истиот има недостаток.
„Извршена е замена на потрошниот материјал, односно филтер во облик на лента, и грешката во инструментот е отстранета. Инструментот е пуштен во работен режим, додека податоците од наредните извршени мерења на концентрацијата на ПМ 10 ќе бидат достапни од 13 часот“, велат од Министерството.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс