Обновена уништената урбана опрема во парк шумата Гази Баба
- Детали
- Категорија: Гази Баба
- Создадено: 30 Март 2019
Акцијата за чистење и обнова на урбаната опрема во парк шумата Гази Баба продолжува и овој викенд. Заеднички екипи на ЈКП „Гази Баба" и ЈП „Паркови и зеленило" денеска на терен ја чистеа парк шумата Гази Баба, а поставена беше и нова урбана опрема.
Целта на овие активности е да заживее парк шумата како место за одмор и рекреација на граѓаните.
– За жал, иако минатиот викенд при работните акции беше поставена и обновена урбаната опрема, по неколку дена беше целосно уништена. Денеска, при оваа акција беше извршена повторна интервенција и обновување на уништената урбана опрема. Апелираме до сите граѓани да ја чуваат и одржуваат поставената урбана опрема во парк шумата и низ целата општина, да ги сочуваме јавните зеленила чисти, велат од Општина Гази Баба.
Според општината, само на овој начин парковите нема да бидат претворени во депонии, а урбаната опрема ќе биде во функција.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс