1-ва Скопска - МТМ Телевизија

Децата од градинката „25 Мај“ денеска добија подароци, дидактички материјали кои ќе им помогнат во креативното и логичко размислување.

Дидактичките материјали се донација од Дирекцијата за заштита и спасување и Филозофскиот факултет од Скопје. При предавањето на донацијата деканот на Филозофскиот факултет Ратко Дуев рече дека ова е само мал придонес во разубавување на престојот на децата во предучилишните установи, и нагласи дека наскоро ќе следуваат донации и од други институции.

Директорот на Дирекцијата за заштита и спасување, Аднан Џаферовски ја нагласи потребата од општествено одговорно работење, и ги повика и останатите компании, институции, па и медиумите да дадат свој пример со донација за која било категорија на граѓани.

Донацијата на дидактички материјали е на иницијатива на Дирекцијата за заштита и спасување, а средствата се собрани во рамки на хуманитарна забава во кафе барот Амбрела.

Градинката „25 Мај“ со благодарници им се заблагодари на трите државни институции за донацијата наменета за дечињата.