Од денеска до вторник јавна презентација и анкета за нов урбанистички план во Општина Бутел
- Детали
- Категорија: Бутел
- Создадено: 27 Јануари 2021
Општина Бутел од денеска до вторник организира јавна презентација и анкета за архитектонско-урбанистичкиот проект за формирање градежна парцела со намена хала за ускладишување на овошје и зеленчук во индустриската зона Визбегово.
Изработениот архитектонско-урбанистички проект со графичките прилози е изложен во просториите на Општина Бутел во салата за состаноци, а јавната анкета се одржува од денеска до 02.02.2021 година, секој работен ден од 08.30 до 15.30 часот во просториите на Општина Бутел.
Во определениот рок заинтересираните правни и физички лица можат да достават забелешки на анкетни листови во електронска форма преку информацискиот систем е-урбанизам или во писмена форма.
Анкетните листови за учество во јавната анкета може да се подигнат во просториите на Општина Бутел, а сите подетални информации веќе се објавени на веб страната на Општина Бутел.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
