1-ва Скопска - МТМ Телевизија

Општина Бутел во соработка со хуманитарната организација АДРА, Скопје, ја започнува реализацијата на Проектот за развој на социјални услуги за помош и нега во домот за стари лица на подрачјето на општините Бутел и Чучер Сандево.

Сите лица кои се заинтересирани да земат учество на бесплатната обука преку која ќе се стекнат со практично и теоретско знаење за квалитетно и успешно испорачување на услугата за помош и нега на старите лица во нивните домови да аплицираат до 19.01.2021 година.

Заинтересираните лица потребно е да ги исполнуваат следниве критериуми и да ги достават следниве податоци:

Да се државјани на Р.С.Македонија;

Да имаат над 18 години;

Да имаат завршено најмалку основно образование;

Да имаат општа психо-физичка способност за работа;

Да имаат желба и мотивација за работа со стари лица,

По завршувањето на обуката да бидат подготвени за пружање на помош и нега на стари лица во домашни услови

Обуката ќе се изведува според верифицирана Програма за негователи на стари лица, со што кандидатите ќе се стекнат со верификуван и меѓународно признаен сертификат за Неговател на стари лица.

Сите лица кои се заинтересирани потребно е да се пријават најдоцна до 19.01.2021 година на следниве е-маил адреси ler@butel.gov.mk или adra.mkd@gmail.com или на телефон 078/463-092 Сузана Илиевска, 078/221-847 Зоран Велковски. Пријавувањето исто така може да се изврши и во Архивата на Општина Бутел преку пополнување на образец Пријава за учество на обука, секој работен ден од 08:00 до 16:00 часот.

Кандидатите кои ги исполнуваат критериумите наведени во овој повик ќе бидат повикани на индивидуално интервју.