УЈП: Преку „Мој ДДВ“ кај граѓаните вратени 491,5 милиони денари во првото тримисечје од годинава
- Детали
- Категорија: Бизнис
- Создадено: 19 Мај 2022
Управата за јавни приходи ја информира јавноста дека на сметките на граѓаните исплатени се вкупно 491,5 милиони денари по основ на вратен дел од ДДВ од скенирање на фискални сметки преку апликацијата „Мој ДДВ“ во првото тримесечје во оваа година.
„Средства се исплаќаат и кај оние корисници кои во текот на изминатите месеци направиле корекции на трансакциските сметки и истите ги ажурирале во нивниот кориснички профил. УЈП апелира граѓаните да внесат точни податоци во апликацијата 'Мој ДДВ' со цел навремена исплата“, се наведува во соопштението на УЈП.
Крајната горна граница на исплата која граѓаните може да ја добијат како поврат од „Мој ДДВ“ е 1.800 денари за едно тримесечје, или 7.200 денари годишно по лице.
Согласно статистиката на УЈП, во првите три месеци од годинава, односно од јануари до март 2022 година, скенирани се 73.041.591 фискална сметка.
Според УЈП, вкупниот број на регистрирани корисници на „Мој ДДВ“ досега изнесува 457.090 корисници.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс