1-ва Скопска - МТМ Телевизија

Моите укажувања за неправилно и незаконско постапување во Министерството за финансии се покажаа како точни, за што потврдува и пресудата на Вишиот управен суд, се наведува во соопштение на дополнителниот заменик-министер за финансии, Гордана Димитриеска-Кочоска, а во врска со спорни унапредувања во ова Министерство.

„Со пресудата на Вишиот управен суд се докажа дека се постапувало спротивно на законските прописи и дека министерот за финансии не го почитува моето право како дополнителен заменик-министер на рамноправно учествување во остварувањето на надлежностите предвидени со закон“, истакнува Димитриеска-Кочоска.

Таа посочува дека со ваквата пресуда одлуката на ДИК во однос на тоа дека унапредувањата во Министерството за финансии не биле правни, финансиски и кадровски прашања поврзани со организација на изборите се поништува, а одлуката на Управниот суд, со која се потврдуваше одлуката на ДИК, се преиначува дотолку повеќе што таа се оценува како незаконита.