Нафтата поскапе, акциите поевтинија по иранскиот ракетен напад врз американските трупи во Ирак
- Детали
- Категорија: Бизнис
- Создадено: 08 Јануари 2020
Цените на нафтата скокнаа по нападот со балистички ракети врз две воени бази со американски трупи во Ирак.
Барел нафта „брент“ поскапе за 1,4 отсто и во моментов чини 69,21 американски долари. Во исто време, скокна и цената на златото и се зголеми вредноста на јапонскиот јен.
Истовремено, глобалните берзи бележат пад на вредноста на акциите поради стравувањата од ескалирање на конфликтот на Блискиот Исток, јави „Би-би-си“.
Иранската државна телевизија објави дека ракетниот напад е одмазда за убиството на еден од највисоките воени команданти во оваа земја, Касем Сулејмани.
Нападот се случил само неколку часа по свечениот погреб на Сулејмани, кој беше убиен во американскиот воздушен напад на 3 јануари.
Неговата смрт ги зголеми стравувањата од понатамошна ескалација на американско-иранскиот конфликт.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс