Турција го казни „Букинг“ за нелојална конкуренција
- Детали
- Категорија: Бизнис
- Создадено: 10 Ноември 2019
Турција ја прогласи виновна познатата интернет страница за резервирање сместување „Букинг“ Booking.com, за нелојална конкуренција во земјата и ја казни парично со 78.000 евра.
Иако станува збор за меѓународна компанија, Booking.com се најде на удар на турските закони, според кои сите компании кои работат во Турција (дури и преку турска мрежа) подлежат на административна и судска ревизија.
Стопанскиот суд оцени дека на Booking.com се наоѓаат реклами кои се сметаат за нелојална конкуренција (на пример „Гаранција за најдобра цена“), а тие огласи се појавуваат и во договорите со хотелите.
Судот испрати копија од својата одлука до Министерството за култура и туризам, во случај на можни административни санкции против Booking.com.
Во текстот се наведува дека фирмите за е-трговија со седиште во странство, во Турција работат без дозвола и не плаќаат директни даноци.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
