1-ва Скопска - МТМ Телевизија

Во тек е акцијата за засадување 1.800 високоизраснати дрвја на целата територија на општина Аеродром, а разубавен е просторот околу ООУ „Лазо Ангеловски“ и кај кружниот тек кај Поликлиниката. Нови 75 зимзелени садници беа засадени и пред ООУ „Александар Македонски“, информираат од општината.

-Разеленувањето на просторот е долгорочна мерка за зачувување на здравата животна средина, што е наш врвен приоритет“, изјави градоначалникот Марин, кој беше придружуван од претседателката на Советот, Ивана Цветковска.

Тој посочи дека во наредниот период ќе бидат опфатени и голем број други локации на територијата на општината, пред сѐ, потегот пред поликлиниката „Јане Сандански“, на улиците „Тодор Чангов“ и „Бојмија“, во населбата Мичурин, како и на други места. Упати и апел до граѓаните да поднесат барање до општината за засадување дрвја во нивните реони.

Од општината велат дека за овој проект се издвоени осум милиони денари од буџетот на општината, а исто толку се предвидени и за наредната година. Оттаму наведуваат дека ќе останат посветени на грижата за животната средина и  ќе ги преземат сите мерки во нивна надлежност за решавање на прашањата поврзани со аерозагадувањето.