1-ва Скопска - МТМ Телевизија

Британскиот велосипедист Крис Фрум ја одбрани титулата на велосипедската трка околу Франција, Тур де Франс 2017. Тоа беше јасно по последната етапа и завршницата во Париз, по која Британецот стигна до третата победа по ред на оваа трка, односно до вкупно четврти трофеј на Тур де Франс во кариерата.

Холанѓанецот Дилан Гроневеген славеше етапна победа пред Андре Грајпел и Едвалд Боасен Хаген, додека за Фрум беше најважно да ја задржи предноста во генералниот пласман. На крајот, тој го освои првото место со 54 секунди предност пред Ригоберто Уран од Колумбија и 2:20 минути предност пред Французинот Ромен Барде.