Дебата за реформите во областа на следењето на комуникациите
- Детали
- Категорија: Македонија
- Создадено: 15 Декември 2017
Да се поттикне широка јавна дискусија за предвидените реформи за следење на комуникациите е целта на денешната дебата „Реформа на следењето на комуникации - суштински или козметички промени?“
Дебатата, како што посочуваат организаторите, треба да и овозможи на Владата да ги идентификува и отстрани проблематичните точки во предвидените реформи, но и да поттикне дебата кај пратениците за активно да се вклучат во нивното моделирање и на тој начин да ги заштитат интересите на граѓаните кои ги избрале.
На настанот ќе бидат претставени клучните предвидени законски измени во системот за следење комуникации и ќе бидат изложени ставовите на претставници од граѓанските организации за тоа дали реформата обезбедува соодветна заштита на приватноста на граѓаните и ги исполнува барањата на Европската унија за функционален надзор над следењето комуникации.
Дебатата ја организира Институтот за општествени и хуманистички науки – Скопје во соработка со Асоцијацијата за развојни иницијативи „Зенит“ и Институтот за европски политики. Поддржана е од фондацијата National Endowment for Democracy (NED).
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс