Македонија освои две награди на регионален натпревар за зелени бизниси

Награди за зелени бизниси

Македонија освои две награди на регионален натпревар за зелени бизниси, во конкуренција на вкупно 18 идеи од Македонија, Албанија, Косово, Црна Гора, Србија и Босна и Херцеговина.


Победничките идеи платформа за продажба на евтини оброци „Храна за сите“ и едукација преку илузионистички еко-пораки „Еко илузија“ ќе бидат поддржани со по 10.000 долари.


Награди добиваат и црногорската идеја „Камп под Острог“ и косовската „Академска платформа“.


Во Македонија натпреварот „Филантропија преку зелени идеи“ трета година по ред го организира здружението за социјални иновации „АРНО“.


Според Ирина Јаневска од „АРНО“, наградите ќе значат многу не само за носителите, туку и за општеството бидејќи во нив покрај еколошката и бизнис компонента има и филантропија и корист за заедниците.


Натпреварот „Филантропија преку зелени идеи“ е годишен конкурс кој поддржува развој на мали, локални, одржливи бизнис идеи и се одржува шестта година по ред, во организација на Фондот на браќата Рокфелер од САД. 





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.