Викендов домашни изведувачи на „Супер Скопје"
- Детали
- Категорија: Град Скопје
- Создадено: 02 Септември 2017
Овој викенд на програмата на „Супер Скопје“ се домашни изведувачи. Првата вечер од забавата се одржува на улица Македонија.
Оваа вечер, како што соопштуваат од Град Скопје, за одличната забава се погрижија Ди Џеј Дела и составот Ај Кју, а спектакуларен крај на вечерта стави фантастичниот настап на Каролина Гочева.
Супер Скопје на улица Македонија продолжува и вечерва со почеток во 22 часот, каде посетителите ќе се забавуваат со Тамара Тодевска, како и Нокаут со специјални гости – Игор Џамбазов и Гуру Харе.
Проектот „Супер Скопје“ се реализира во насока на подобрување на културно-забавната понуда во Скопје, а истата доаѓа на предлог и иницијатива на сопственици и менаџерите на угостителски објекти од повеќе локации од Скопје. Програмата и изборот на изведувачите, исто така, е правена по директен предлог на угостителите.
Главен организатори на „Супер Скопје“ е ЈУ „Конгресен центар Александар Македонски“, а за реализацијата се задолжени „Горила Вајлд ентертејмент груп“ (Gorilla wild entertainment group).
Согласно одлука на Советот на Град Скопје, вечерите кога се одржува „Супер Скопје“ работното време на угостителските локали е продолжен за еден час.
Извор: МИА
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс