Анџелина Џоли изјави дека понекогаш заборава дека мајка и е мртва и би сакала да зборува со неа за своите деца. Мајката на Џоли - Машелин Бертран, почина во јануари 2007 година.

- Понекогаш заборавам дека повеќе ја нема. Замислувам дека уште е жива и дека разговарам со неа за нејзините 6 внуци - моите деца.

Ужасно многу сакам да можев да и раскажам за успесите и за загриженоста на Мадокс, Пакс, Захара, Шајло, Нокс и Вивиен, вели Џоли.

Машелин Бертран - актерка и продуцент - умре од рак на 56-годишна возраст.

Старлетата е повторно мета на трачеви, бидејќи на Интернет кружи порно снимка со девојка која "необично личи на неа". Ким Кардашијан денес е една од најголемите риалити ѕвезди, иако "кариерата" во шоу бизнисот ја започна така што на Интернет се појави нејзиното домашно порно кое го направи со пејачот Реј Џи.

Американските таблоиди пренесуваат дека Ким, главната ѕвезда на најбогатото телевизиско семејство, моментално е во преговори со адвокатите со цел да го спречи објавувањето на уште една порно снимка.

На снимката е прикажана убава бринета која навистина личи на Ким, во "акција" со непознат маж.

Снимката трае помалку од еден час, а моментално непознатиот сопственик се обидува да ја продаде.

Кардашијан не се произнесе по повод шпекулациите дека е таа на снимката.

Старлетата неодамна се разведе од кошаркарот Крис Хамфрис, со кој беше во брак "цели" 72 дена, а гламурозната свадба како и распадот на врската се прикажани во нејзиниот риалити шоу "Ким и Кортни го освојуваат Њујорк".
 

Пејачката Ријана наскоро би можела да стане и филмска ѕвезда, бидејќи според пишувањата на американските медиуми, убавицата од Барбадос го сними својот прв филм, научно - фантастичната акција Медиумите пишуваат дека пејачката во филмот глуми лик на поморски офицер по име Рајкс.

Ријана во филмот има опасна задача, а тоа е да се спротистави на вонземјаните кои долго време се скриваат на дното на океанот. Покрај Ријана, во филмот играат и Лијам Нисон, Александер Скарсгард, Бруклин Декер и Тејлот Кич. На пејачката и се допадна глумењето, па изгледа дека ова нема да биде нејзиниот последен филм.

"Моментално ми се допаѓа снимањето на филмови.Тоа е нешто што би сакала почесто да го работам", изјави Ријана, но дали воопшто има телент за глума ќе видиме кога филмот ќе пристигне во кината, а тоа најверојатно ќе биде оваа година во мај.

Ако му веруваме на режисерот Питер Берг, Ријана била одлична и добро се снашла пред филмските камери.

Пејачката Адел освои две БРИТ награди - за најдобар албум на годината и за најдобра британска пејачка, на синоќешната церемонија на доделувањето на најпрестижните британски музички награди во лондонската „Арена 02“.

Со британската верзија на американскитее Греми беше награден и албумот на Адел „21“, кој излезе пред една година и стана најпродаван во светот.

Дваест и едногодишниот Ед Ширан, познат како „англискиот трубадур“, исто така доби две БРИТ награди, од кои едната за најдобар британски соло изведувач.
 

Викторија Бекам откри дека сака да има уште деца, но засега четири и се доволно, бидејќи модната креаторка и поранешната пејачка тешко ги ускладува работата и мајчинството па проширувањето на семејството ќе мора да почека.

Викторија вели дека не сака да пропушти ниту еден важен момент во животот на своите деца.

"Не сум против тоа да имам уште деца. Среќна сум што ги имам и бременоста не ми паѓа тешко, но сега ми е и ова доволно. Сакам да уживам во децата кои досега ги имам. Нашите животи се подредени на нивните", изјавува креаторката.

Поранешната пејачка е се поуспешна во светот на модата, а нејзините креации многу брзо го пронаоѓаат патот до срцата на модните гурмани.

Неодамна се најде на мета на критики поради својот испиен изглед кој го препишува на работата, но и фактот дека е мајка на малечката Харпер Севен.

"Харпер често се буди во ноќта и јас често во ноќите разговарам со луѓе преку скајп за работи поврзани со мојата работа", изјавува Викторија.
 

Жените повеќе ги привлекуваат мажи кои носат очила од оние кои не носат, покажаа резултатите од истражувањето кое го спроведе интернет сајтот. Судејќи според најновото истражување, припадниците на посилниот пол кои носат очила, не мораат да се грижат кога е во прашање успехот кај дамите.

Истражувачите на одреден број на жени им покажувале фотографии од пет момци, со и без очила, а поголемиот број на испитаници оние мажи кои носеле помагала за вид, ги окарактеризирале како поинтелигентни, посигурни, повредни и со поголем сексипил во однос на оние кои не носеле очила.

Оптичарот Тони Расел кој го водел истражувањето, вели дека се надева дека во иднина мажите со гордост ќе носат очила.

Се надеваме дека овие резултати ќе ги охрабрат сите мажи кои носат очила во контактот со жените", изјавува тој.

Во новиот биографски филм "33 дена" кој ќе го следи животот на легендарниот Пабло Пикасо, главната улога ќе ја игра Антонио Бандерас.

Филмот го следи животот на познатиот уметник во текот на 33 дена од создавањето на неговото најпознато дело, маестралната "Герника" која денес беше изложена во музејот "Реина Софиа" во Мадрид.

Филмот нема да се фокусира само на креативниот процес на создавање на Пикасо, туку и на комплицираната љубовна приказна помеѓу него и неговата голема љубов, францускиот уметник Дора Мар.

"Пикасо е лик кој ме прогонува веќе долго време и досега секогаш сум одбивал да го играм. Го заслужува сето мое внимание. Роден сум неколку улици подалеку од местото каде што е роден тој, а ме потсетува на мене: ги надминува пречките, како многу млад си отишол од Малага. Неодамна ја имав таа среќа сосема случајно да ја запознаам неговата ќерка и таа ми откри дека Пикасо всушност никогаш не ја напуштил идејата да се врати во Малага", изјавува Бандерас.

Сценариото на филмот го пишуваат Карлос Саура, Елијас Керехета и францускиот писател Луис - Чарлс Сиржак. Саура ќе биде задолжен и за режија, а филмот ќе се снима ова лето во Париз и Герника.
 

Холивудскиот актер Џорџ Клуни (50) призна дека понекогаш е осамен, дека навечер се бори да заспие и дека премногу пие. Исто така, тој откри дека во минатото пробал кокаин, но дека не му се допаѓало.

"Секој кој ќе каже дека никогаш не е осамен, лаже, а луѓето се најосамени во гужвите во клубовите. Отидете на некое место и завршете во најмалиот можен агол, бидејќи тоа ги оттргнува сите и на крајот уживате во својата осаменост", изјави Клуни во отвореното интервју за "Hollywood Reporter".

Глумецот призна дека е најосамен во лошите љубовни врски и додаде дека повеќе пати доживеал неговата партнерка да го изневери или остави за некој друг. Холивудскиот заводник кој е номиниран за Оскар за најдобра машка улога во филмот "Потомци", е разведен од актерката Талија Балсам, а моментално е во врска со професионалната борачка Стејси Кејблер.

"Понекогаш премногу пијам. Уживам во пијалакот и има моменти во мојот живот кога ја поминав границата помеѓу забавата и опивањето до доцна во ноќта без било каква причина. Ама неодамна престанав. Немам испиено алкохол од новогодишната вечер", рече Клуни.

Тој наведе и дека навечер се буди по пет пати, а најчесто си легнува околу 10 часот навечер, а освен тоа, призна и дека пробал кокаин кога бил помлад.

"Шмркањето апсолутно не ме подига", истакнал тој. Актерот се шегуваше дека не може да се кандидира за некоја јавна функција бидејќи спиел со премногу жени, консумирал премногу дрога и бил на премногу забави.

Тој изјави дека бил несреќен и неуспешен во многу работи во животот, пред да го стекне статусот на филмска ѕвезда во телевизиската серија  "ER" од 1994 година.

Исто така, Клуни додаде дека после повредата на главата која ја претрпел за време на едно снимање во 2005-та година, живее со хронични главоболки.

Се прослави како глумица и режисер, а сега публиката низ светот ќе може да ја запознае Анџелина Џоли и како сопруга на Били Боб Торнтон.

Глумецот Били Боб Торнтон ќе сними филм за својот брак со режисерот на филмот "Во земјата на крвта и медот" со која се венчаше во 2000 година во Лас Вегас - по само 2 месеци врска.

Веста за снимањето на филмот ја потврди продуцентот Александер Роднијански.

Тој објасни дека Били Боб Торнтон ќе режира и напише сценарио за филм кој ќе се темели на односот помеѓу глумецот и Анџелина.

Филмот ќе носи наслов "And then we drove", а ќе започне со снимање оваа година.

Во текот на нивниот брак настанаа и познатите садо - мазо фотографии со Анџелина Џоли.
 

По погребот на нејзината мајка, тинејџерката Боби Кристина би требало да се пресели во институција за одвикнување од недозволени супстанци, пишуваат американските медиуми.

Семејството на Витни Хјустон, која викендов беше погребана, планира нејзината 18 годишна ќерка да ја испрати во специјален дом за одвикнување затоа што таа веќе три години се бори со зависноста од лекарства и дрога.

Нејзината мајка своевремено отворено зборуваше за кокаинот, а и нејзиниот татко Боби Браун имаше проблеми со дрогата.

Тинејџерката пред неколку години беше снимена како шмрка кокаин.

Иако овој чекор е тежок за семејството, тие сепак се надеваат дека со тоа ќе и го спасат животот на Боби Кристина, пренесуваат американските таблоиди.

Причината за смртта на Витни Хјустон се уште не е позната, но на местото на несреќата беа пронајдени психоактивни лекови и алкохол.